Barcelona e mposht në një tjetër “El Clasico” rivalin e përbetuar, Realin e Madridit.
Të dyja skuadrat gjenden në një grup në Euroleague, në aktivitetin më të rëndësishëm europian në basketboll për meshkuj. Dhe mbrëmë është dashur që ato të ndeshen me njëra-tjetrën, me buzëqeshjen që në fund ka qenë e tëra për katalanasit.
Përkundër dominimit të skuadrës madrilene, që ka kryesuar në dy çerekët e parë të lojës, gjithçka më pas ka folur për miqtë, që në fund kanë rezultuar fitues. 86-87 janë fiksuar shifrat në favor të Barcelonës.
Justin Doellman ishte përcaktues me koshat e tij për Barcelonën. Në 31 minutat që ai qëndroi në fushë,
shënoi më shumë se çdokush tjetër te katalanasit. Gjashtë koshat për trepikësh dhe tre të tjerë për dypikësh e bënë atë ta mbyllë takimin me 24 pikë të shënuara.
Barcelona dhe Reali i Madridit gjenden në vend të gjashtë dhe të shtatë në grupin F me tetë skuadra. Ato kanë nga dy fitore e dy humbje, në një sezon jo fort pozitiv për to, posaçërisht për Realin e Madridit. /tesheshi.com/
