Paraqitjet e shkëlqyera të franqezit Antonio Griezman në fushën sportive, e bëjnë atë futbollistin më të kërkuar të merkatos verore. Por kjo gjë nuk e shqetëson aspak trajnerin e Atletiko Madrid, Diego Simeone. Sipas tij, të interesuarit e klubeve të mëdha për Griezman, atij i sjell kënaqësi, bën të ditur gazeta spanjole Marca.
“Nuk jam duke u frikësuar për këtë transferim”.
“Kjo më jep kënaqësi që klubi më i mirë në botë është i interesuar për lojtarët tanë dhe kjo flet që jemi duke bërë një punë të mirë dhe më jep kënaqësi. Klubi është duke bërë përpjekje të mëdha që t’i mbajë lojtarët më të mirë që kërkohen nga klubet më të mëdha. Ata duan të qëndrojnë të Atletico dhe të na ndihmojmë që të rritemi si klub”, ka thënë Simeone.
Griezman fillimisht ishte i lidhur me një transferim te Manchester United, por që kohës fundit është Barcelona ajo e cila dëshiron ta ketë në rradhët e tyre këtë lojtar.
Interesimi i Barcelonës për Griezman është shtuar pas zërave të braktisjes së brazilianit Neymar nga katalonët, pasi që i njëjti do të transferohet për një shumë marramendëse prej 300 milion eurove në Paris Saint German.
Ndryshe, klauzola e lirimit të Griezman nga Atletiko Madrid është 100 milion euro. /tesheshi.com/
