Barcelona ka vendosur të blejë verën e ardhshme Antoine Griezman.
Klubi katalanas e ka pasur gjithnjë në vëmendje 27-vjeçarin francez që luan me Atletikon e Madridit, por klauzola e tij e vjetshme arriti deri në 200 milion euro, cka bëri që sulmuesi të mos lëvizte nga Madridi.
Por paraqitjet e fundit të Griezman, që nuk kanë patur shkëlqimin e një viti më parë, kanë bërë që edhe klauzola e tij e kontratës të bjerë në 100 milion, shifër disi më e arsyeshme, për financat e Barcelonës.
E përditshmja “El Mundo Deportivo” konfirmon se do të ketë një përpjekje insistuese të Barcelonës, për të marrë Griezman. Me një blerje të tillë dhe me plotësimin e vendit të Neymar me Coutinon, sulmi i katalanasve rikthehet të jetë i frikshëm.
Por a do të mundet Barça të sigurojë shërbimet e francezit, kjo mbetet për tu parë, pasi Griezman, prej vitesh pëlqehet shumë edhe nga Mourinho, që kërkon ta marrë me cdo kusht në Manchester. /tesheshi.com/
