Francezët e PSG-së prodhuan një futboll të jashtëzakonshëm mbrëmë ndaj Barcelonës. Prej kohësh nuk shihej një përsosuri e tillë teknike e taktike prej një skuadre. Fitorja 4-0 ishte fryt i një dominimi tërësor, shoqëruar me spektakël.
Për Barcelonën qe humbja e parë e të tilla përmasave që prej 2013-s, kur mundej me të njëjtat shifra nga Bajerni i Mynihut. Një humbje që vështirë të përmbyset në ndeshjen e kthimit, teksa historia e Champions League-s nuk njeh përmbysje të këtyre përmasave.
“Ishte një mbrëmje katastrofike,” pohoi trajneri i katalanasve pas ndeshjes.
“Rezultati reflekton qartë atë që ndodhi. PSG-ja ishte më mirë se ne me dhe pa top,” do të shtonte Luis Enrique, që mori dhe përgjegjësinë për humbjen.
“Ndeshja ishte përgjegjësia ime!”
Paraqitjen e shëmtuar të Barcelonës e pranoi dhe kapiteni Iniesta.
“Kishim një mbëmje të tmerrshme. Nuk kishte asgjë pozitive, ishte gjithçka negative, veçanërisht rezultati. Ata ishin më mirë se ne në gjithçka, në lojë dhe në efektshmëri. Nuk ka shpjegim për këtë.” /tesheshi.com/
