Barcelona është fituese e edicionit të sivjetshëm të Ligës së Kampionëve. Blaugranasit kanë mposhtur Juventusin 3:1, me golat e kroatit Ivan Rakitic, uruguajanit Luis Suarez e krejt në fund brazilianit Neymar. I pamjaftueshëm ishte goli I Alvaro Moratas i cili u shërbeu vetëm disa minuta torinezëve. Kështu, Barcelona fiton trofeun e tretë këtë edicion për të rrëmbyer tripletën e famshme.
Titulli i më të merit të Europës vazhdon të mbetet në Spanjë. Barcelona ia heq kurorën Real Madridit si skuadra kampione Europe. Skuadra katalanase ka triumfuar në finalen e madhe të Berlinit duke mposhtur Juventusin për gjatë 90 minutave lojë.
Tre gola për tripletën e famshme. I katërti në nëntë vitet e fundit, i pesti në histori të klubit për Barcelonën në Ligën e Kampionëve. /tesheshi.com/
