Mesfushori brazilian Felipe Melo, 37 vjeç, një lojtar që bëri një karrierë për t’u patur zili, por do të mbahet mend si një futbollist që bënte gjëra të pista në fushë, gati një barbar.
Më saktësisht, një lojtar që s’e kishte problem për ta goditur kundërshtarin në lojë, e kjo, në çdo rrethanë a situatë.
Ish-lojtari i Juventusit kujtoi taktikat që ai dhe shokët e tij të skuadrës kishin për të ndaluar Lionel Messin, sidomos kur luante me fanellën e kombëtares braziliane kundër rivales së përjetshme, Argjëentinës.
“Messi është i veçantë, ai nuk ka frikë. Kur e goditni, ai thjesht ngrihet dhe vijon lojën edhe më fort. Për mua, ai është ndër tre më të mirët në histori, ai është i çmendur”, tha braziliani në një intervistë.
“Messi është një lojtar unik. Kur luajtëm kundër tij në Brazil, u përpoqëm ta mposhtm duke e dëmtuar. Përndryshe, është e vështirë të mbash një lojtar të tillë, duhet ta godasësh, ta shtysh, ta irritosh …”.
Braziliani aktualisht luan për Palmeiras. Më parë ai ka luajtur për Inter, Galatasaray, Juventus, Fiorentina, Almeria, Racing Santander, Mallorca, Gremio, Cruzeiro dhe Flamengo. /tesheshi.com/
