Nënat gji-dhënëse shpesh herë ndeshen me vështirësi për të ushqyer foshnjat e tyre nëse duhet të dalin jashtë shtëpisë për të bërë ndonjë pazar, pagesa, apo për të kryer porosi. Gjatë kohës që janë jashtë u duhet të gjejnë një vend të qetë ku mund të ushqejnë bebet e tyre.
Një lokal në Sydney të Australisë ka vendosur t’u ofrojë këtyre nënave një çaj falas, të cilin mund ta pinë në qetësi ndërsa u japin gji bebeve.
Në tabelën në hyrjen e lokalit shkruhet: “Nëna gji-dhënëse! Urdhëroni një çaj falas! Nuk është nevoja të detyroheni të merrni diçka nëse keni nevojë të bëni një ndalesë, vetëm thjeshtë relaksohuni!”
Nisma të tilla janë pritur me entuziazëm nga nënat, aq më tepër në një botë ku gji dhënëseve u kërkohet të mbulohen apo të largohen nga lokali sepse kanë thyer rregullat e mirësjelljes. /tesheshi.com/
