Strukturat paralele në veri tash e sa vite po e kontrollojnë atë pjesë në aspektin e ndikimit te popullata e sidomos në aspektin e kundërshtimit të institucioneve të Kosovës, sipas një banori shqiptar të Zubin Potokut.
Ai thotë se edhe bllokadat e fundit janë të organizuara nga strukturat paralele, përkatësisht grupet kriminale, të cilat udhëheqin nga Milan Radoiçiç dhe Zvonko Veselinoviç.
Ata dy njihen për organizime të tilla. I pari ka qenë i dyshuar edhe për vrasjen e politikanit serb Oliver Ivanoviç. Kjo edhe për të treguar forcën se kushdo që del kundër tyre, e pret i njëjti fat.
Radoiçiç dhe Veselinoviç konsiderohen se janë edhe më të fuqishëm se kryetaret e komunave në atë pjesë të Kosovës, të cilët i përkasin partisë “Lista Serbe”
Serbët lokalë në të shumtën e herëve janë të detyruar nga grupet kriminale që të dalin në rrugë dhe të bëjnë bllokada, në të kundërtën do të humbin vendet e punës apo do të pësojnë edhe më keq.
Edhe në aksionet paraprake të Policisë së Kosovës në veri të Mitrovicës, menjëherë është ndezur alarmi që ka mobilizuar strukturat paralele që të dalin në rrugë për të penguar policinë.
Pra serbet lokalë vazhdimisht janë përdorur nga grupet kriminale të cilat edhe i detyrojnë që të bëjnë veprime kundër institucioneve të Kosovës, është ajo çfarë thotë banori shqiptar i Zubin Potokut. /tesheshi.com/
