Disa banorë dhe anëtarë të kuvendit komunal dhe shoqërisë civile të komunës së Drenasit sot kanë organizuar një aksion simbolik para ministrisë së Mjedisit dhe Planifikimit Hapësinor të udhëhequr nga Ferid Agani, për të shprehur pakënaqësinë e tyre ndaj ndotjes që po shkaktohet nga Ferronikeli.
Ata gjatë këtij aksioni kanë thënë se kjo qeveri po i shkel të drejtat elementare të njeriut në Drenas, duke bërë vrasje masive të tyre.
Këta banorë janë ankuar së është shtuar numri i rasteve të prekur nga kanceri në këtë qytetet dhe rrethinën e tij të cilat vijojnë të konstatohen.
Megjithatë, ata paralajmëruan qeverinë se nëse nuk merr hapa konkretë nuk do të dalin vetëm anëtarët e kuvendit komunal dhe përfaqësuesit e shoqërisë civile, por do të ftohen të gjithë qytetarët e Drenasit të dalin në protestë, pasi që siç thanë ata nuk është me rëndësi një fabrikë, por shëndeti i qytetarëve./tesheshi.com/
