Tërmeti i mëngjesit të djeshëm në Italinë qendrore, më i fuqishmi në shumë dhjetëvjeçarë, i ka lënë jashtë mijëra banorë.
Pjesa dërrmuese e tyre e kanë kaluar natën në vendqëndrime të sajuara, në çadra, në makina, e në strehime të përkohshme, por ka patur dhe prej atyre që kanë guxuar të qëndrojnë në shtëpi.
“Ka për të qenë një natë e vështirë,” paralajmëronte mbrëmë drejtuesi i Mbrojtjes Civile Italiane, Fabrizio Curcio. “Tërmeti 6.5 ballësh e ka ndryshuar qartësisht situatën,” shprehej ai.
Edhe pse ka qenë një tërmet i fuqishëm, fatmirësisht nuk ka patur viktima, por vetëm 20 të lënduar. Në Norcia, pranë epiqendrës, shumë prej godinave janë shkatërruar. Midis godinave historike të shkatërruara ishte dhe një bazilikë mesjetare.
Giuseppe Pezzanesi, drejtuesi bashkiak i qytezës së vogël së Tolentinos, deklaron i dërrmuar, “Dëmi është i pariparueshëm. Ka mijëra njerëz në rrugë, të tmerruar, duke qarë. Njerëzit janë të rrënuar psikologjikisht.”
Kryeministri italian, Matteo Renzi, ka premtuar se do të gjenden burimet e ka për t’u rindërtuar gjithçka.
Italia qendrore është goditur fort nga tërmetet në vitet e fundit. Një i tillë në gusht u mori jetën 300 personave. /tesheshi.com/
