Maja e Zhlepit (Kulla) dhe bjeshkët tjera të fshatrave të Deçanit dhe Pejës, konsiderohen pronë e Kosovën, mirëpo me Demarkacionin me Malin e Zi, ka dyshime se një pjesë e këtyre mund t’i kalojë Malit të Zi.
Por për banorët e fshatit Llukë e Epërme të Deçanit asesi nuk pajtohen që tokat e tyre t’i fallen malazezëve.
Kështu banorët e këtij fshati, përmes një njoftimi kanë bërë të ditur se së bashku edhe me banorë të fshatrave tjerë, në mënyrë të organizuar do të shkojnë në majën e Zhlepit, në kufirin me Malin e Zi.
Ja njoftimi i plotë:
“Këshilli i Fshatit Llukë e Epërme Ftoheni që të mërkurën, datë 10 Gusht 2016 të jeni prezentë në organizimin e banorëve të Llukës së Epërme, të cilët në mënyre të organizuar, bashka-rishte të shkojmë në bjeshkën tonë, në Zhlep. Ky organizim bëhet nga Këshilli i fshatit Llukë e Epërme, dhe janë ftuar të gjithë banorët e Llukës së Epërme. Qëllimi i këtij organizimi është bashkimi jonë, vizita e bjeshkës tonë dhe kundërshtimi ynë që kjo pjesë e Kosovës, bjeshkë e fshatit tonë të mos kaloj në pronësi të Malit të Zi.
Takohemi në Zhlep (te Kulla)
Me respekt, Këshilli i Fshatit Llukë e Epërme!”.
/tesheshi.com/
