Banka Qendrore Europiane, e drejtuar nga Mario Draghi ka dalë me një komunikatë për shtyp pas fitimit të Brexit në Mbretërinë e Bashkuar, pra pas vendimit të popullit britanik për t’u ndarë nga Bashkimi Europian.
“Pas rezultatit të referendumit në Britaninë e Madhe, BQE po monitoron me kujdes tregjet financiare dhe është në kontakt të vazhdueshëm e të ngushtë me bankat e tjera qendrore. Banka Qendrore Europiane është gati për të siguruar likuiditet shtesë, në rast se do të jetë e nevojshme, në valuta të huaja dhe në euro. BQE është përgatitur për të përballuar këtë që po ndodh, në bashkëpunim të ngushtë me bankat e tjera që mbikqyr dhe beson se sistemi bankar i Eurozonës është solid, në termat e kapitalit dhe të likuiditetit. BQE do të vijojë të përmbushë përgjegjësitë e saj, për të siguruar stabilitetin e çmimeve dhe stabilitetin e tregjeve financiare në zonën e euros”, – thuhet në deklaratë. /tesheshi.com/
