Brenda katër vitesh ka shpenzuar vetëm një të tretën e mbi 4 milion e gjysmë dollarësh australianë, rreth 3 milion euro, të cilat i kishin ardhur në mënyrë të mistershme në llogarinë e saj, për shkak të një gabimi në bankë. Më pas, përralla mbaroi jo dhe aq mirë sa duhej.
Studentja 21-vjeçare e inxhinierisë kimike, Christiane Jiaxin Lee, siç raporton gazeta australiane The Advertiser, u gjet përballë policisë, e cila e arrestoi në aeroportin e Sidneit, ndërsa ishte duke tentuar të ikte tek prindërit e saj në Malajzi.
“Përse nuk lajmërova në bankë për këtë gabim që kishte ndodhur? Harrova, më doli nga mendja”, – është justifikuar e reja para policëve. Ajo tregon se paratë i ka harxhuar me çanta të shtrenjta dhe veshje luksi. /tesheshi.com/
