Ekipet kërkimore të bankave të mëdha ndërkombëtare janë përfshirë në parashikimet për Europianin. Hulumtuesit e GoldmanSachs kuotojnë më lart për fitues të kupës Francën, Gjermaninë e Spanjën. Shqipëria ka vetëm 7 për qind shanse për të shkuar në cerekfinale.
Ekipi hulumtues ekonomik GoldmanSachs ka bërë të ditur, në këtë muaj “ethesh” sportive, parashikimet mbi Kampionatin Europian UEFA, që nisi të premten e kaluar në Francë.
Goldman po mbështet pikërisht, të zotët e shtëpisë, Francën, për të fituar turneun, duke thënë se modelet e saj sugjerojnë se skuadra franceze ka një shans 23.1 për qind e fitores, në krahasim me 19.9 për qind për fituesit e Kupës së Botës, Gjermaninë. Në vendin e tretë janë mbajtësit aktual të kupës, Spanja, me një shans 13.6 për qind. Ndoshta pak e habitshme për tifozët britanikë, Anglia është parë si i katërti më shumë gjasa për të fituar, me një shans 10.5 për qind.
Në anën tjetër të shkallës, është një lajm i keq për Shqipërinë. Analistët e bankës parashikojnë se në të vërtetë nuk ka shans për të qenë kampionë të kurorëzuar. Ndërkohë që shanset për të qenë në finale janë shumë pranë zeros, pra vetëm 0.4 për qind. Që ekipi shqiptar të shkojë deri në gjysëm finale ka vetëm 1.8 për qind shanse, ndërsa kalimi në cerek finale edhe pse kuotohet më lart me 7.6 për qind përsëri ka shanse shumë të vogla për të ngjarë.
/tesheshi.com/
