Lidhja e Social Demokratëve të Vojvodinës (LSV), ngriti pyetjen nëse është ministri i Jashtëm Ivica Daçiç, ai që qëndronte pas një banderole provokuese në fasadën e Ministrisë së tij, ku shkruhet se “Nëse Kosova nuk është Serbi, as Republika Srpska nuk është Bosnje”.
“Ne kërkojmë të dimë nëse Ivica Daçiç është ai që e përfaqëson këtë politikë si ministër i Jashtëm. Nëse ju nuk do të qëndroni prapa këtij mesazhi luftënxitës, pyesim se pse banderola nuk është hequr prej aty?”, thuhet në deklaratë.
Kjo parti kërkoi menjëherë heqjen e kësaj banderole, duke thënë se përndryshe do të vinte një me fjalët “Këtu nuk është Rusi”. /tesheshi.com/
