Shtatë vjeçarja Bana al-Abed, llogaria në Twitter e së cilës, dha një përshkrim tragjik të bombardimeve të Halepit në Siri, u takua të mërkurën me presidentin turk, Rexhep Tajip Erdogan në pallatin e tij në Ankara.
Erdogan ka pranuar Bana-n dhe familjen e saj në pallatin e tij njofton agjencia Anadolu, duke publikuar edhe një foto të Erdoganit duke përqafuar vajzën.
Një video e publikuar nga agjencia gjithashtu tregon Erdoganin të ulur, duke mbajtur Bana-n dhe një djalë (me gjasë vëllanë e Bana-s) të ulur në gjunjët e tij, i rrethuar nga gruaja e tij Emina.
Vajzë e re siriane ishte një nga mijëra njerëz të evakuuar nga zonat-të cilat një kohë janë mbajtur nga rebelët e Halepit, në bazë të një marrëveshjeje të arritur në ditët e fundit, të ndërmjetësuar nga Turqia dhe Rusia.
Ajo ishte evakuuar të hënën dhe zyrtarët turq premtuan se Bana do të vijë në Turqi me familjen e saj, por mbeti e paqartë se kur saktësisht ata kaluan kufirin.
Për 330.000 ndjekësit e saj, Bana është një simbol i tragjedisë së shpalosur në Siri, edhe pse regjimi i presidentit sirian Bashar al-Asad e ka kritikuar atë dhe tweet-at pothuajse të përditshme të saj e të nënës së saj, si një propagandë.
Turqia ka mirëpritur rreth 2,7 milionë refugjatë nga konflikti në Siri, por ka bërë të qartë se tani preferon që të kujdeset për të zhvendosurit e fundit të cilët nuk janë të plagosur, në anën siriane të kufirit.
Megjithatë nuk do të bëjnë përjashtime për raste të veçanta si dhe të plagosurit.
/tesheshi.com/
