Sekretari i Përgjithshëm i OKB-së, Ban ki Moon, u takua sot me Kryeministrin e Kosovës, Isa Mustafa.
Gazetari i Presheva Jonë që është akredituar në OKB, thekson se takimi është zhvilluar në kuadër të takimit të Asamblesë së Përgjithshme të OKB-së që po mbahet në Pallatin e Qelqtë në Nju Jork.
Një zëdhënës i zotit Ban tha se “Sekretari i Përgjithshëm i OKB-së ka inkurajuar progresin e mëtejshëm në dialogun e lehtësuar nga BE-ja mes Beogradit dhe Prishtinës, duke theksuar rëndësinë e zbatimit të plotë të të gjitha marrëveshjeve të arritura deri më sot.
Ata diskutuan përpjekjet e vazhdueshme për të forcuar sundimin e ligjit, mbrojtjen e të drejtave të njeriut dhe trashëgimisë kulturore e fetare, dhe të lehtësuar pajtimin ndëretnik.
Sekretari i Përgjithshëm u bëri thirrje autoriteteve të Kosovës për të bashkëpunuar ngushtë me Përfaqësuesin e tij Special në Kosovë, Zahir Tanin, shef i Misionit të Administratës së Përkohshme në Kosovë (UNMIK), për të trajtuar këto objektiva të përbashkëta”.
/tesheshi.com/
