Sekretari i Përgjithshëm i Kombeve të Bashkuara Ban Ki-Moon, ka akuzuar të mërkurën Kombet e Bashkuara dhe Këshillin e Sigurimit për dështimin e tyre në mbrojtjen e mijëra myslimanëve që humbën jetën në genocidin e Srebrenicës, në veri-lindje të Bosnje-Hercegovinës, 20 vjet më parë.
Ban tha se Kombet e Bashkuara –që janë themeluar për të ndaluar të tilla krime- dështuan në përgjegjësinë e saj për të mbrojtur jetën e civilëve të pafajshëm, duke fajësuar Këshillin e Sigurimit dhe Sekretariatin e Përgjithshëm të Organizatës Ndërkombëtare në lidhje me të.
Vërejtjet e tij erdhën gjatë një ceremonie të mbajtur sot në selinë e OKB-së në Nju Jork për të përkujtuar përvjetorin e 20-të genocidit të Serbrenicës, e cila u organizua nga Misioni i Përhershëm i Bosnjës dhe Hercegovinës në Kombet e Bashkuara.
Masakra e pashembullt e Srebrenicës në Bosnjë-Hercegovinë në vitin 1995, ishte ajo kur forcat serbe vranë rreth 8.000 njerëz që u varrosën në varre masive brenda disa ditësh, si dhe shpërngulën dhjetëra mijëra muslimanë të tjerë civilë nga zona.
Ban i tha pjesëmarrësve në ceremoni –përfaqësues të misioneve dhe organizatave të ndryshme në OKB-së: “Krimet e tmerrshme kundër burrave dhe djemve muslimanë në Srebrenicë, janë një barrë e rëndë dhe e përhershme në ndërgjegjen kolektive të bashkësisë ndërkombëtare”.
“Ne jemi këtu për të kujtuar mijëra njerëz që humbën jetën e tyre në gjenocidin e Srebrenicës njëzet vjet më parë.
Ai u zotua se do të bëjë ç’të ketë mundësi që të mbrojë njerëzit kudo në botë dhe të ruajë dinjitetin dhe sigurinë e tyre, por pranoi në të njëjtën kohë se “komuniteti ndërkombëtar është duke dështuar në mbrojtje e disa të pafajshmëve të cilët kanë nevojë për ndihmë .. nga Siria deri në jug të Sudanit, ku njerëzit përballen çdo ditë me terrorizmin dhe dhunë të papërshkrueshme. ”
Masakra e Srebrenicës është një nga gjenocidet më të tmerrshme që ka ndodhur në Europë që prej Luftës së Dytë Botërore.
Gjykata Ndërkombëtare Penale e konsideroi këtë akt për ish-Jugosllavinë si akt genocidal.
Burimi: Andaolu Agency – tesheshi.com
