Ministrja Balluku zbuloi diç më tepër në lidhje me të ardhmen e afërt në Portin e Vlorës, e cila kushtëzohet nga zhvillimet gjeopolitikë e gjeostrategjike të diktuara nga agresioni rus ndaj Ukrainës.
Siç tha ajo në Kuvend, gjatë një replike me opozitën, në Vlorë do ndodhë zëvëndësimi i gazit rus për rajonin me atë amerikan.
“Me ndërtimin e portit të lundrueshëm të Vlorës do të vijnë të gjitha anijet, të cilat do të sjellin gazin e lëngshëm amerikan në Ballkan për të zëvendësuar gazin rus.
Shqipëria do të shpërndajë gazin amerikan nga porti i Vlorës.
Shqipëria do të ndërtojë pjesën e parë të një nga projektet më në të rëndësishme për sigurinë energjetike; do ndërtojë pjesë e parë të gazsjellësit Adriatik- Joninan.
Janë 33 kilometra që do të lidhin portin e lundrueshëm të Vlorës me pikën e daljes të TAP në Fier”, u shpreh Balluku. /tesheshi.com/
