Ministrja e Infrastrukturës dhe Energjisë Belinda Balluku doli në një konferencë për media, ku sërish ofroi info që sipas saj tregonin papërgjegjshmërinë e koncensionarit kinez në sigurinë e Rinasit.
Sipas saj, ata gjobiteshin rregullisht dhe kurrë nuk reagonin.
“Gjithmonë janë bërë modifikime të vogla. Po ju jap rastin e derës a nga e cila ka ndodhur problemi në 2016. Kushtet e sigurisë janë bërë në mënyrë sipërfaqësore nga koncensionari. Është premtuar gjithmonë se do i bëjmë për x ditë, për 60 ditë, ose gjithmonë kanë bërë plotësime minimale të kushteve, për të mos u ndëshkuar. Nuk e prisnim që kjo ngjarje të ndodhte, tha Balluku.
Ajo shtoi më tej se një tjetër kërkesë konkrete që i është bërë koncensionarit kinez të aeroportit, është identifikimi i të gjitha makinave të aeroportit përmes çipeve, por as kjo nuk ndodhi.
“Nga ç’duket koncensionari nuk është i interesuar të investojë për sigurinë në aeroport, duke cënuar sigurinë kombëtare”, tha Balluku. /tesheshi.com/
