Zv.kryeministrja dhe ministrja e Energjisë dhe Infrastrukturës, Belinda Balluku, ka provuar veten dhe në diplomaci a gjeopolitikë, gjatë një qëndrimi në SHBA, duke u takuar me të dërguarin amerikan për rajonin, Gabriel Escobar. Ky takim ka ndodhur në Departamentin e Shtetit, në Uashington, duke konfirmuar kështu potencën e fortë politike që po ia njohin dhe amerikanët.
“Escobar mbetet një nga njohësit më të mirë të rajonit pranë Departamentit të Shtetit”, shkruan znj. Balluku në një status në FB, duke vijuar:
“Ai dhe skuadra e tij janë të gatshëm të ndihmojnë në zgjidhjen e situatave dhe mbarëvajtjen e reformave dhe proceseve jetësore për vendet e Ballkanit Perëndimor.
E sigurova që Qeveria Shqiptare është e fokusuar plotësisht për përmbushjen e angazhimeve të marra dhe mbi të gjitha jemi koshient për rolin e rëndësishëm që duhet të luajmë në rajon dhe shembullin e mirë që duhet të japim”.
Prej gati dy vitesh, Belinda Balluku është shndërruar në gruan më të pushtetshme të kabinetit Rama. Ajo pason Arben Ahmetajn si numri dy në qeverisje, por duke qenë shumë më e pushteshme se ai i cili tashmë është në “ditë të hallit” me burgun para.
Kjo dallohet qartë dhe të kjo vizitë e saj në SHBA, raportet e forta që ka me amerikanët, mbështetjen e madhe prej tyre, gjë të cilën paraardhësi i saj nuk e kishte. /tesheshi.com/
