Numri dy i qeverisë, Belinda Balluku, gruaja më e fuqishme e mazhorancës për momentin, duke mbajtur dhe postin e ministres së Infrastrukturës dhe Energjitikës, ka përcjellë një mesazh nga Emiratet, si tregues se Rama sheh gjithnjë nga vendet e pasura arabe, kjo, që nga koha kur ishte kryebashkiak i Tiranës.
“Me Sheikh Abdullah bin Zayed Al Nahyan, Ministri i Punëve të Jashtme të Emirateve të Bashkuara Arabe
diskutuam mbi marrëdhëniet dhe forcimin e mëtejshëm të bashkëpunimit mes dy vendeve tona në fusha të ndryshme, ekonomi, turizëm, inovacion, infrastrukturë, si dhe zhvillimin dhe shkëmbimin e praktikave qeveritare. Energjia dhe klima janë gjithashtu dy sektorë të rëndësishëm ku ka hapësirë dhe vullnet për të bashkëpunuar më ngushtësisht mes Shqipërisë dhe Emirateve të Bashkuara edhe në kuadër të COP 28.
EBA është një vend partner që na ka mbështetur në vijimësi. Më tej kemi diskutuar projekte konkrete me rëndësi strategjike, jo vetëm për Shqipërinë, por dhe për rajonin, në prani dhe të Reem bint Ibrahim Al Hashemy, Ministre për Bashkëpunim Ndërkombëtar, dhe Mohamed Hassan Al Suëaidi, Ministër i Investimeve të Emirateve të Bashkuara Arabe. Muajt në vazhdim do të jenë shumë premtues dhe mezi pres të ndaj me publikun vendimet që kemi marrë gjatë kësaj vizite në Emiratet e Bashkuara Arabe”, shkruan zëvëndësja e Ramës. /tesheshi.com/
