Vrasësi i gruas dhe i kunatës, shtetasi Gazmend Musta nga Ballshi, doli për herë të parë para gjykatës këtë të shtunë, pas krimit makabër të kryer pak ditë më parë, i pari me dy viktima për 2019-ën. Ai vrau me thikë pas një sherri në familje, madje në prani të dy fëmijëve, bashkëshorten Gentiana dhe kunatën Merisa Çaushaj.
Ai edhe njëherë sqaroi rrethanat, ku tha se sherri nisi pas nuk ka lejuar të shoqen që të vizitojë prindërit e saj në fshat.
“Nuk i durova dot kundërshtimet e Gentianës”, ka thënë Gazmendi, duke shtuar se pas krimit kishte telefonuar babain e tij duke i thënë: “vrava Gentianën dhe Merisën, ma bëj hallall babë, takohemi në botën tjetër”.
Gjatë rrëfimeve të tij para trupit gjykuese, doli në pah fakti mes bashkëshortëve kishte prej kohësh një krizë marrëdhëniesh.
Gazmend Musta nuk ka patur asnjë të afërm në seancën e parë, ndërsa avokatin ia ka dhënë shteti.
Gjatë qëndrimit në sallën e gjyqit, herëpasherë mbante kokën ndër duar në shenjë vraje ndërgjegje për krimin e kryer.
Sipas kodit penal, ai rrezikon dënim të përjetshëm. /tesheshi.com/
