Një diskutim i organizuar nga Këshilli për Marrëdhënie me Jashtë, ka bërë që të dalin dy propozime që kanë të bëjnë me vendet e Ballkanit, ku njëri duket se është posaçërisht për Shqipërinë.
I pari ka qenë i analistit Daniel Serwer. Sipas tij, europianët nuk janë më në gjendje ta menaxhojnë si duhet Ballkanin. “
“Një Evropë e preokupuar me presione të brendshme në Bashkimin Evropian, e rënduar nga një krizë e gjatë ekonomike dhe nën presionin e rrymave të ekstremit të djathtë, nuk ka arritur të bëjë sa duhet për të ndihmuar Ballkanin në rrugën e reformave”, ka thënë z. Serwer, raporton VOA. Dhe më pas ai ka bërë propozimin e pazakontë duke kërkuar një angazhim të profilit të lartë për Ballkanin, në administratën amerikane.
“Propozoj që të ngarkohet zyrtarisht nënpresidenti amerikan me detyrën e portofolit ballkanik”, ka thënë Daniel Serwer.
Por dhe ajo që ka propozuar Hoyt Yee nuk ka qenë më pak e befasishme. Sipas tij, si Brukseli ashtu dhe Uashingtoni, po ashtu dhe vendet europiane, nuk duhet t’u hapin dyert udhëheqësve të korruptuar a ta përfolur, të ardhur nga Ballkani.
“Është për të ardhur turp se si udhëheqës politikë të Ballkanit, pavarësisht nga akte të dënueshme, mirëpriten në shumë kryeqytete evropiane, sikur aktet e tyre nuk përbëjnë asgjë të keqe. Kur qytetet e këtyre vendeve i shohin udhëheqësit e tyre në takime të nivelit të lartë në Evropë dhe Uashington, ata nxjerrin përfundime. Nëse këta udhëheqës nuk lejohen në takime dhe qarqe të caktuara dhe bëhen të qarta arsyet përse, kjo do të kishte një ndikim pozitiv në zhvillimet e këtyre vendeve”, ka propozuar Hoyt Yee. /tesheshi.com/
