Lumenjtë e vërshues në Bosnje-Hercegovinë dhe Kroaci kanë përmbytur dhjetëra shtëpi dhe rrugë, ndërsa situata pritet të përkeqësohet në ditët në vijim.
Rajoni i Ballkanin është vënë në alarm të lartë pas vërshimeve të 2014-tës që lanë pa jetë dhjetëra njerëz, dhe pa shtëpi qindra mijëra të tjerë.
Disa komunitete lokale në Bosnje dhe Hercegovinën veriore dhe qendrore vendosën masa të jashtëzakonshme, duke u bërë thirrje banorëve që jetojnë pranë lumenjve që të evakuohen nga shtëpitë e tyre.
Të paktën dy rrugë kryesore dhe disa rajonale në veriperëndim u bllokuan për shkak të përmbytjeve ose rrëshqitjeve të dheut.
Disa shkolla kanë anuluar mësimin, ndërkohë që furnizimet me energji elektrike dhe ujë janë ndërprerë.
Transmetuesi publik kroat HRT tha se zjarrfikësit kanë shpëtuar tetë turistë, duke përfshirë dy fëmijë, në një zonë turistike.
Shiu pritet të vazhdojë deri në fundjavë, duke ngritur shqetësime për më shumë përmbytje dhe dëmtime në Bosnje-Hercegovinë, Kroaci dhe Serbi, ndërsa në Kosovë ende nuk janë raportuar dëme.
Mediat lokale thonë se banorët kanë frikë nga përsëritja e përmbytjeve të majit 2014 që shkatërruan rajonin. Të tre vendet u goditën nga një rekord përmbytjesh që morën më shumë se 60 jetë dhe detyruan më shumë se 100,000 të iknin nga shtëpitë e tyre. Dëmi i kombinuar u vlerësua të ishte 3.5 miliardë euro. /tesheshi.com/
