Samiti i gjashtë shteteve të Ballkanit Perëndimor pritet të mbahet të mërkurën në Uashington.
Siç është paralajmëruar, ky takim do të mbahet në formën e një telekonferencë, dhe qëllimi kryesor është përcaktimi i lëvizjeve konkrete që do të ndihmojnë rajonin të rikuperohet pas pandemisë.
Gjithashtu u njoftua se ata do të diskutojnë modele që do ta bëjnë rajonin më tërheqës për investimet e huaja, dhe pritet të krijohet një marrëveshje me të cilën drejtuesit do të angazhoheshin për veprime praktike për një bashkëpunim më të madh ekonomik.
Damon Wilson, Nënkryetari Ekzekutiv i Këshillit Atlantik, theksoi se një nga qëllimet do të jetë përqendrimi në qarkullimin e lirë të njerëzve, mallrave dhe shërbimeve në rajon, si dhe hartimin e një plani strategjik të investimeve.
Thënë këto, duket se pas këtij vizioni qëndron projekti i Shengenit rajonal, një inisiativë e kohëve më parë iniciuar nga treshja Rama-Vuçiç-Zaev, mbështetur si nga BE e si nga SHBA.
Siç dihet, projekti ka hasur në skeptikë e kundërshtarë të ashpër në Tiranë e Prishtinë. /tesheshi.com/
