Presidenti amerikan Joe Biden foli për rëndësinë e ndihmës së Ukrainës në luftën e saj kundër Rusisë, si dhe përmendi edhe vendet e Ballkanit.
Në Kongresin Amerikan, në të dyja dhomat, ka aktualisht diskutime të mëdha për vazhdimin e ndihmës për Ukrainën në konfliktin e saj kundër Rusisë, i cili ka vazhduar që nga shkurti i vitit 2022.
Republikanët kanë shumicën në dhomën e ulët të përfaqësuesve dhe janë skeptikë për vazhdimin e dhënies së ndihmës për këtë vend. Nga ana tjetër, demokratët janë të gatshëm të ndihmojnë Ukrainën.
Ndihmësit e presidentit Joe Biden kanë sugjeruar fuqishëm se nëse ndihma për Ukrainën ndalet, Rusia mund ta fitojë luftën në vetëm disa javë, sipas informacioneve nga NBC Neës.
Veç kësaj, vetë Biden ishte i drejtpërdrejtë kur të premten, më 19 janar, foli për implikimet globale të fitores së mundshme të Rusisë në këtë luftë dhe një referencë të veçantë pati për Ballkanin, ku Kosova e Bosnja mbeten çështje delikate.
“Nëse ne tërhiqemi dhe Rusia arrin të mbajë sulmin e saj dhe të rrëzojë Ukrainën, çfarë mendoni se do të ndodhë në vendet e Ballkanit?”, tha Biden dhe shtoi. “Dinamika po ndryshon.” /tesheshi.com/
NEW
US President Biden highlights that Russia threatens the Balkans countries:
“If we walk away and Russia is able to sustain their onslaught and bring down Ukraine, what is going to happen in the Balkan countries?
What is going to happen from Poland to Hungary?” pic.twitter.com/MtVX0MqWpn
— Admirim (@admirim) January 19, 2024
