Kryeministri Rama ka përcjellë lumturisht faktin se “Ballkanit të Hapur” pritet t’i bashkangjitet dhe Mali i Zi, duke e shpallur këtë me një diplomat të shquar amerikan në krah, si tregues se ky projekt ka dhe mbështetje amerikane.
“Kënaqësi marrja e kafes së sapombërritjes në Ohër, me kryeministrin, Dritan Abazoviç, i cili sot fut zyrtarisht Malin e Zi në Ballkanin e Hapur, si edhe me ambasadorin e Shteteve të Bashkuara në Serbi, Chris Hill, i cili është një mik i kahershëm i Shqipërisë e shqiptarëve, po edhe një mbështetës i vendosur i Ballkanit të Hapur”, shkruan i pari i qeverisjes.
Kujtojmë se një ditë më parë, do ishte kryediplomati rus Lavrov ai që do linte të nënkuptuar me anë të një deklarate se Moska e mbështet “Ballkanin e Hapur”. Kjo bëri që kundërshtarët e projektit të debatueshëm të reagonin në mbrojtje dhe njëherë të idesë konspiracioniste se pas “Open Balkans” është një konspiracion serbo-rus.
Megjithatë, edhe nga prania e Cris Hill-it në samitin e fundit dhe të pritshëm të projektit rajonal, kjo çështje bëhet dhe më e komplikuar. Perëndimi në asnjë rast nuk e ka kundërshtuar “Open Balkans”; e ka mbështetur, por me kushtin e një pjesëmarrjeje të plotë. /tesheshi.com/
