Nga Mensur Krasniqi
Kur Maqedonia në vitin 2004 ka paraqitur kërkesë për anëtarësim në BE dhe në dhjetor të vitit 2005 fitoi statusin kandidat, Mali i Zi as nuk a ekzistuar si shtet i pavarur. Sot Mali i Zi është në prag të dyerve të BE-së, meqë në mëngjesin e sotëm e fitoi ftesën për anëtarësim në Aleancën e NATO-s.
Nga pamundësia për të siguruar kushte për anëtarësim të Maqedonisë në Aleancën Veriatlantike si subjekt politik që përfaqëson shqiptarët në koalicion me VMRO-në qe 13 vite në Qeveri, Bashkimit Demokratik për Integrim i mbeti të përshëndet pranimin e Malit të zi në gjirin e Aleancës.
“Vlerësojmë se kjo është rruga më e drejtë dhe më e sigurtë për të gjithë popujt e rajonit, për të pasur paqe dhe stabilitet afatgjatë. Republika e Maqedonisë disa herë është duke e humbur këtë shans, për shkak të kontestit të pazgjidhur të emrit me Greqinë. Megjithtë, Bashkimi Demokratik për Integrim edhe më tej do të jepë kontributin e saj të parezervë, drejt zgjidhjes sa më të shpejtë të këtij kontesti, në mënyrë që edhe vendi ynë të bëhet pjesë e kësaj aleance të madhe politiko-ushtarake. Për ne, integrimi i Maqedonisë në NATO dhe BE mbeten prioritete kryesore, pa të cilat nuk mund të ketë perspektivë demokratike në vend dhe rajon”, thonë nga BDI.
Dështimi i Maqedonisë për të siguruar një vend anëtare në gjirin e Aleancës Veriatlanike, sipas analistit politik Xhenis Sulimanit është pasojë e asaj që Maqedonia në asnjë moment nuk u mundua të përmirësoj politikat që nga ana e NATO-s që ju dhanë si obligim.
“Politikat e Maqedonisë këto 10 vite të fundit janë jashtë çdo standardi të politikave europiane. Andaj Maqedonia po dështon, dhe në vend se të jetë ndër të parat në rajon ajo tani ka mbetur e fundit. “Anëtarësimi i Malit të Zi në NATO është tregues më i mirë për nivelin e politikës së jashtme të Maqedonisë. Mali Zi ka shpallur pavarësinë e saj me vitin 2006 dhe arriti që brenda 10 viteve të aderoj në proceset euroatlantike derisa Maqedonia edhe pas 25 viteve pavarësi është shumë larg standardeve evropiane. Kjo politikë anti europiane ditë e më tepër po e largon Maqedoninë nga vlerat evropiane dhe po e afron ka Rusia. Me anëtarësimin e Malit të Zi në NATO, po vendohet një linjë ndarëse mes Ballkanit, ku fatkeqësisht vendi jonë po shkon drejt lindjes, së bashku me Serbinë drejt Rusisë”, deklaroi për tesheshi.com, Xhenis Sulimani.
Është interesante se pikërisht ditën e sotme Maqedonia ka festë shtetërore “Ditën e drurit”. Pra gjersa Maqedonia feston ditën e drurit, Mali Zi feston anëtarësimin në NATO. /tesheshi.com/
