I dyti ballist që pranoi të marrë mandatin e deputetit nga lista e PD-së, Artur Rroshi nga Balli Kombëtar Demokrat, ashtu siç Alimadhi para tij i Ballit tjetër, ka shprehur hatërmbetje ndaj kreut demokrat Basha, duke lënë të kuptuar kështu se ka arsye të forta, politike e etike, për të mos iu bindur djegies së mandateve.
“Emri im në listat e PD tregon qartë se është pjesë e një marrëveshjeje që erdhi si detyrim për ne si aleatë për të mos garuar në zgjedhje dhe të votohej vetëm sigla e PD, pra de facto mandati që marr është i Ballit Kombëtar Demokrat sepse votat tona në gjithë Shqipërinë bëjnë të paktën dy mandate.
Sot po marr një mandat që të mohuar nga PD në 2017.
Lista e PD përfaqësonte listën e gjithë koalicionit opozitar dhe si të tillë për diegien e mandateve duhet të ishim pyetur nga PD para vendimit.
Kjo gjë nuk ndodhi as për etikë”, shkruan Rroshi.
Më tej, ai nuk e kursen PD-në dhe nga të tjera akuza, siç kjo: “Në gjithë këto vite, PD është një parti ppozitare parciale e Partisë Socialiste thjesht për pushtetin dhe jo opozitare e filozofisë së majtë mbi të cilën qeveris ajo.
Kjo dukej dje dhe sot, sepse PD asnjëherë nuk vlerësoi dhe të tregonte mirënjohje për votat që merr nga ish-të përndjekurit politikë, ish-pronarët, të cilët kanë treguar devotshmëri për të”, shkruan deputeti “tradhëtar”. /tesheshi.com/
