Vjehrra e Rishi Sunak, Sudha Murthy, kujtoi së fundmi një incident në të cilin një roje kufitare britanike nuk e besoi kur ajo i tha se adresa e shtëpisë së saj ishte 10 Downing Street.
Zonja Murthy, gruaja e biznesmenit miliarder indian Narayana Murthy, një shkrimtare dhe filantropiste vetë, tregoi reagimin e një oficeri në kufi kur deklaroi adresën e saj në Londër, ndërsa kishte ardhur për të vizituar vajzën dhe dhëndrin e saj.
https://youtu.be/5LEaHuF3cm8
Duke u paraqitur si e ftuar në Kapil Sharma Show, një program televiziv indian, zonja Murthy tha se oficeri u trondit kur i tha se do të shkonte në rezidencën e Kryeministrit.
“Do të shkoja në MB”, tha ajo fillimisht përpara se të vazhdonte: “Kështu që e pyeta motrën time, a duhet të shkruaj ’10 Downing Street’ si adresë? Edhe djali im Rohan jeton në Londër. Por adresën e tij nuk e mbaja mend përmendsh”.
Me të mbërritur në Britaninë e Madhe, kur roja kufitare e pyeti se ku do të qëndronte në Londër.
Oficeri i emigracionit nuk e besoi kur pa adresën ku do të qëndronte.
“Ai më shikoi dhe më tha: A po tallesh me mua?”, tha zonja Murty.
“Jo. Po të them të vërtetën”, kujton ajo fjalët që i tha oficerit.
“Ai mendoi se po bëja shaka. Askush nuk beson se unë, një 72-vjeçare e thjeshtë, mund të jem vjehrra e kryeministrit britanik”. /tesheshi.com/
