Tropoja s’është më ajo e afro dy dekadave më parë, me vrasje në seri, të cilat përbëjnë kapitullin më të rëndë të krimit në pasvitet 90-të. Kjo u pohua nga ministri Balla gjatë një vizite atje dhe takimi me vartës policorë. E kundërta është tani në Tropojë, tha Balla. “Asnjë ngjarje kriminale dhe me numrin e lartë të turistëve që erdhën për të shijuar burimet e bukura natyrore. Kemi arritur në konkluzionin se forca dhe
sundimi i ligjit në Tropojë është në koeficientin më të lartë dhe merita i takon secilit prej jush, drejtuesve dhe mbi të gjitha banorëve të zonës. Vitin e ardhshëm do të kemi më shumë turistë, ndaj duhet rritur përgjegjësia”, theksoi kreu i Rendit, gjthsesi dke kërkuar zbardhjen e krimeve të vjetra. “Hetimi i ngjarjeve të vjetra dhe dhënia fund e pandëshkuemërisë duhet të jenë vëmendja kryesore. Edhe krimet e së shkuarës, kryesisht ato ndaj pronës e personit, ne duhet që të vazhdojmë punën hetimore. Nuk duhet t’i gëzohemi faktit që tani s’kemi ngjarje kriminale, por kemi përgjegjësinë që të bëjmë drejtësi”, tha ai.
Balla kishte dhe një kërkesë për tropojanët. “Thirrje banorëve, t’i vetëdorëzojnë armët pa leje. Na duhet të rritim komunikimin me komunitetin. Do të nisim një fushatë, vitin e ardhshëm, duke incentivuar dorëzimin e armëve pa leje”. /tesheshi.com/
