Kreu i grupit parlamentar socialist, Taulant Balla, komentoi atë për të cilën u pyet nga gazetarët në një bashkëbisedim me ta, atë çfarë pretendon Berisha në prej akuzave të tij të fundit, se Basha është bërë bashkë me Taulant Ballën, në një darkë.
“E para unë dua të sqaroj që asnjëherë në jetën time nuk kam qenë në një darkë me zotin Basha.
Ajo që është thënë nga Sali Berisha është vetëm një rishfaqje e 30 vjetëve të Sali Berishës, i cili vetëm me gënjeshtra, shpifje dhe mashtrime ka lënë gjithë trashëgiminë e vetë politike”, tha Balla.
Sipas këtij, është fjala për një koincidencë në një mort, të pranisë të të dyve, duke thënë se aty kanë qenë dhe foltoristë.
“Rasti në fjalë ka qenë një vizitë në familjen e një miku dhe kemi rastisur me shumë e shumë njerëz të tjerë. Po të hyja thellë do thoja qe kam rastisur edhe me njerëz të tjerë që janë krah Foltores”, arsyetoi figura e njohur socialiste.
Për Ballën, i vetmi takim i tij me Bashën është në gjykatë.
“Unë me Lulzim Bashën jam në gjyq për shpifje. Kam fituar në shkallën e parë dhe pres të përballem në Apel.
I vetmi takim imi me Lulzim Bashën do të jetë në gjyq”, theksoi ai. /tesheshi.com/
