PS ka mohuar që do ngrejë një komision hetimor për Luzlim Bashën, siç është pretenduar apo përfolur së fundi, pas shpërthimit të një debati lidhur me të kaluarën e tij në pasluftën e Kosovës.
Për Bashën, ka zëra që thonë se ai ka kontribuuar që ish-krerët e UÇK-së janë sot në Hagë me akuza për krime lufte, pasi si ish-përkthyes e zyrtar pranë misioneve ndërkombëtare, ka marrë pjesë në hetime për krime të mundshme të UÇK-së. Këtë pretendim Basha e mohon kategorikisht, e madje thotë se ka kontribuuar që Millosheviçi të shkojë në Hagë.
Taulant Balla, nr.2 i PS-së, shpjegoi se ç’objekt e ç’synim ka komisioni që do të ngrihet, që sipas tij nuk ka asnjë lidhje me të kaluarën e Bashë, por është një kontribut për gjykimin e ish-kupolës së UÇK-së në Hagë.
“Dua ta sqaroj, nuk bëhet fjalë për komision hetimor, citoj neni 77 i Kushtetutës dhe 24 i rregullores së kuvendit, është komision i posaçëm për çështje të veçanta, pra merret në shqyrtim raporti i Dick Marty-t për çështjet që përfshijnë Shqipërinë, dhe ne duhet t’i verifikojmë. Që nga 99’ e deri më sot në vend janë kryer shumë hetime.
Bie fjala, edhe për uzinën atje në Kukës, dhe ka rezultuar se atje nuk ka ndodhur asnjë krim.
Pse tani? Do ta përjashtojmë fillimisht pretendimin se po ngrihet një komision për të hetuar Lulzim Bashën, fare nuk është ky qëllimi ynë, por për të gjitha faktet që nuk ka ndodhur krime në Has e me radhë të mblidhen bashkë dhe të hartohet një raport , ku Shqipëria si vend anëtare i Asamblesë së Këshillit Europian, ta ketëse çfarë ka ndodhur dhe çfarë është hetuar.
Sepse nuk ka një institucion tjetër në vend që mund ta bëj një gjë të tillë në vend. Nuk është komision as anti-Dick Marty-t as anti-Lulzim Basha.
Shqipëria tani duhet të merret seriozisht sepse ajo që po ndodh, këtu ka filluar një faze e re e deligjitimimit e luftës së Kosovës.
Duhen 5 vite për të përfunduar një proces gjyqësor. Detyra jonë është që të kemi një raport.
Të jeni të bindur që gjithçka që ne do të bëjmë, sepse kjo do të ndodhë, do ta ngremë komisionin. Do të hedhim poshtë pretendimet për krimet që gjoja janë bërë në Shqipëri. Kjo do të jetë shumë e vlefshme. Do të pastrojë imazhin e Shqipërisë dhe UÇK, për aktivitetet e që janë bërë në Shqipëri”, ishte ajo çfarë qartësoi Balla. /tesheshi.com/
