Deputeti i PS-së dhe kryetar i komisionit hetimor parlamentar për privatizimin e OSHEE-së, Taulant Balla ka shpërndarë një dokument, që thekson se është një email që vërteton takimin ndërmjet sekserit të CEZ dhe ish-kryeministrit Sali Berisha.
Sipas Ballës, ky dokument vërteton rolin e kosovarit Nuel Kalaj në marrëveshjen mes CEZ dhe qeverisë Berisha.
Në email flitet për një takim mes përfaqësuesve të kompanisë çeke dhe djalit të kryeministrit për të siguruar një falje borxhesh nga qeveria.
Sipas Ballës, email-i i shkëmbyer mes krerëve të kompanisë çeke provon edhe përfshirjen e të birit të ish-kryeministrit Berisha në aferën e drejtori çek në Shqipëri, Josef Hejsek i thotë nëndrejtorit të CEZ në Pragë, Tomas Pleskaç, se do ta priste së bashku me Nuelin në aeroport, në sallonin VIP. Hejsek thotë gjithashtu se, sipas Nuelit, “takimin me të birin do ta shtyjmë për nesër, pas ardhjes së kryeministrit”.
Balla thekson se, ky mesazh do të jetë në fokus të mbledhjes së ardhshme të komisionit hetimor parlamentar.
Ai ka shtuar se ndërkohë komisioni ka marrë nën administrim edhe disa dokumente nga banka të nivelit të dytë, të cilat konfirmojnë kryerjen e transfertave bankare me vlerë miliona euro nga CEZ, të cilat më pas janë tërhequr në formë cash nga Nuel Kalaj në qershor të vitit 2009, pak ditë para zgjedhjeve.
“Gjithashtu, komisioni ka kerkuar informacione shtesë nga banka, por edhe nga banka të tjera, pse CEZ i ka bërë keto transferta tek ky individ dhe ku i ka çuar paratë kesh Nue Kalaj”, tha Balla. /tesheshi.com/
