Taulant Balla, kryetar i grupit parlamentar socialist, ka reaguar pas seancës plenare, e cila u shty disa herë pasi kreu demokrat Lulzim Basha nuk pranoi të linte sallën pas përjashtimit nga Gramoz Ruçi.
“Asnjë nuk ka të drejtë të shkelë rregulloren e Kuvendit”, tha Balla. Sipas tij, edhe ndonjë deputet socialist që mund të përsërisë skena të tilla, duhet të përjashtohet.
Në vijim ai shtoi se gjente mirëkuptimin dhe me Ruçin që nuk kërkoi mbledhjen e Byrosë, por ai i tërhoqi vetëm vëmendjen Bashës.
“I përshëndes kolegët e PD-së dhe shikohemi të hënë në seancë plenare”, tha Balla, ndërsa nuk komentoi deklaratat e Bashës për protesta. /tesheshi.com/
