Një adoleshente 14-vjeçare nga Tusba, pranë qytetit turk lindor Van, kreu vetëvrasje.
Hetimi konfirmoi se rasti lidhet me një fenomen online famëkeq të njohur si Balena Blu.
Drejtori i Zyrës lokale për Familjen, Punën dhe Shërbimet Sociale në Van, Abdurrahman Cohaz konfirmoi se pesë vajza të moshës 14 dhe 15 vjeçe, shkuan në një udhëtim në pjesën malore Akkopru. E njëra nga ato kreu vetëvrasje duke hedhur nga një shkëmb.
“Zyra e prokurorit deklaroi se hetimi ka konfirmuar se vajza u vetvra për shkak të lojës Balena Blu”, tha Cohuz.
Kjo lojë u shfaq së pari në Rusi në mes të vitit 2017. Thuhet se deri më tani ajo ka marrë jetën e mbi 130 të rinjve rusë. Loja është luajtur nëpërmjet rrjeteve sociale, në grupe të mbyllura, dhe viktimat kanë qenë kryesisht të moshës 10-16 vjeç. /tesheshi.com/
