Një balenë e bardhë shumë e rrallë u dallua në brigjet australiane teksa migronte drejt ujërave të ngrohtë tropikalë.
Kjo lloj balene e quajtur Migaloo, është parë për herë të parë po në Australi në vitin 1991.
Migaloo në gjuhën origjinale do të thotë “mik i bardhë”. Balena e bardhë u fotografua në portin Byron në lindje të brigjeve australiane, duke bërë udhëtimin e përvitshëm nga Antarktida në ujërat e ngrohtë të Queensland.
Oskar Peterson, që drejton Qendrën për Kërkimin e Balenave të Bardha me bazë në Australi, tha se balena ishte e gjinisë mashkull dhe mund të jetë 30 vjeç.
Besohet se balena të tilla mund të jenë 2 ose 3 në të gjithë botën. /tesheshi.com/
