Presidenti Bujar Nishani, në deklaratën e tij gjatë analizës së punës së Kontrollit të Lartë të Shtetit është shprehur në mbrojtje të administratës, duke thënë administrata nuk është e korruptuar dhe se në të ka njerëz profesionistë.
Kreu i shtetit nuk përjashtoi mundësinë e ekzistencës së individëve të korruptuar, por shtoi se goditja e fenomenit të korrupsionit nuk mund të kriminalizojë gjithë shtetin.
“Perceptimet që ekzistojnë në adresë të shtetit shqiptar nuk përkojnë me realitetin. Duhet krijuar rritja e besimit, pasi pa besim, nuk prezantohen dot rezultatet”, – tha ndër të tjera Nishani.
Më herët ai u shpreh se në 25 vitet e fundit, vendi ka hyrë në një sistem të ri të shtet formimit duke rritur përgjegjësinë e Kontrollit të Lartë të Shtetit.
“Nuk pretendoj të them që keni arritur performancën më të shkëlqyer të mundshme, por nuk nguroj të them që jeni një nga institucionet që keni arritur besimin te institucionet. Unë e vlerësoj si qytetar, si njeri në politikë, edhe si President”,- ishin fjalët e Presidentit Nishani. /tesheshi.com/
