Ditë jo e mirë për Bajernin e Mynihut në javën e dhjetë të kampionatit gjerman. Ka ardhur për bavarezët barazimi i tretë, e pikërisht në “Allianz Arena”.
Të zotët e shtëpisë nuk e kanë patur aspak të lehtë ndaj Hofenhajmit, edhe pse e kanë zotëruar thuajse tërësisht lojën.
Në barazimin 1-1, të dy golat janë shënuar nga miqtë. Demirbay i ka kaluar ata në epërsi në minutën e 16-të, e në të 32-tën ka ardhur autogoli i Zuber-it.
Me barazimin e sotëm, Bajerni mund ta ndajë vendin e parë që nga ditsa e nesërme me Lajpcigun, nëse ky i fundit fiton ndaj Mainzit.
Krejt ndryshe Bajernit, Borusia e Dortmundit nuk është treguar aspak e mëshirshme ndaj Hamburgut të vendit të fundit, duke e mposhtur atë 2-5 në “Volksparkstadion”, në prani të 57.000 shikuesve.
Katërt prej golave për Borusian janë shënuar nga Aubameyang, që të mërkurën u la në tribunë në takimin ndaj Sportingut të Lisbonës në Champions League. /tesheshi.com/
