“Ilaçi” Hejkens po vërtetohet jave pas jave se është jetik për gjendjen e Bajernit të Mynihut. Pasi e kanë eleminuar për Kupë me penallti, bavarezët e kanë mundur sërish skuadrën e Lajpcigut duke i shënuar 2 gola me Hames Rodrigez dhe Levandovski.
E mbi të gjitha, kampionët e Gjermanisë kanë marrë kreun e klasifikimit në Bundesligë.
Ndeshja kryesore e kampionatit gjerman, u kushtëzua nga një karton i kuq që mori kapiteni i Lajpcig, Orban, i cili rrëzoi Robenin të lançuar drejt portës.
Bajerni kontrolloi dhe kaloi në avantazh me Hames Rodrigez, që shënoi me të majtën. Më pas ishte Levandovski që dyfishoi, pas një asisti të Martinez.
Ngjitja në krye e Bajernit përkoi edhe me humbjen e Borusias së Dordmundit, që u dorëzua 4-2 ndaj Hanoverit.
Tashmë verdhezinjtë do “të ngrenë kokën” për të parë bavarezët, pasi ndodhen 3 pikë larg tyre. /tesheshi.com/
