Përballja e së mërkurës mes Bajernit të Mynihut dhe Realit të Madridit ishte një prej sfidave klasike të futbollit europian.
Nga një pjesë e parë në hije, madrilenët u shndërrruan në 45 minutat e dyta, për ta kthyer kështu humbjen në fitore.
Dy momentet kyç të ndeshjes ishin humbja e 11-metërshit nga Vidal, si dhe nxjerrja jashtë me të kuqe e Javi Martinez-it.
Cristiano Ronaldo nuk shënonte në Champions League që nga shtatori i shkuar, por me dy golat e tij të mbrëmshëm e çoi në 100 numrin e golave të realizuar në aktivitetet europiane.
Për Bajernin e Mynihut kjo ishte humbja e parë në fushën e vet në të tëra veprimtaritë që prej marsit të 2016-s; fitorja e Realit u dha fund 16 fitoreve të njëpasnjëshme të Bajernit në “Allianz Arena” në Champions League.
Por ç’thanë trajnerët përkatës për këtë fitore 1-2 të Realit ndaj Bajernit në çerekfinalen e parë mes tyre të Ligës së Kampionëve.
“Eshtë një rezultat i madh. Nuk është e lehtë të vish këtu dhe të fitosh,” do të thoshte Zinedine Zidane.
“Ka për të qenë e vështirë në 90 minutat në Madrid, por jemi ende gjallë,” u tha gazetarëve Carlo Ancelotti. /tesheshi.com/
