Bajerni i Mynihut fiton sërish dhe arrin Borusian e Dordmundit në krye të klasifikimit.
Bavarezët nuk e patën të lehtë ndeshjen ndaj një “armiku të vjetër” si Hamburgu, i cili gjithnjë i ka vënë në vështirësi kampionët.
Trajnei Hejkens kishte bërë 4-5 ndryshime për të ruajtur të freskët disa lojtarë dhe bavarezët nuk arritën dot tek goli në pjesën e parë, pavarësisht kontrollit të topit.
E njëjta tablo edhe në 45-minutshin e dytë. Vetëm pasi Hamburgu mbeti me 10 vetë, Bajerni gjeti rrugën e rrjetës me anë të francezit Toliso dhe e ruajti fitoren minimale deri në fund.
Ndërsa Borusia e Dordmundit nuk diti të ruajë dopjo avantazhin që krijoi, me anë të Shahin dhe Filip. Eintrahti i Frankfurtit nuk u dorëzua dhe barazoi rezultatin, duke rrezikuar edhe për të fituar ndeshjen.
Paraqitje spektakolare bëri këtë javë në Bundesligë Bajer Leverkusen, që fitoi 1-5 në fushën problematike të Myncegladbahut. Fiton këtë javë edhe Shalke 04, që ndjek dyshen Dordmund-Bajern, me 3 pikë më pak. /tesheshi.com/
