Kryetari i Komunes se Mitrovicës jugore, Agim Bahtiri ka deklaruar në fjalën e tij të mbajtur me nisjen e ceremonisë për isa Boletinin se në fshatin e lindjes së heroit do të marrin pjesë vetëm një numër i vogël njerëzish.
“Për shkak të hapësirës së vogël dhe të papërshtatshme në kompleksin e kullave të heroit dhe përreth saj, në rivarrimin e eshtrave të heroit Isa Boletini, në Boletin, do të marrin pjesë vetëm familjarët e ngushtë të heroit Isa Boletini dhe një numër i kufizuar njerëzish tjerë, siç janë përfaqësuesit e institucioneve shtetërore, përfaqësuesit e shoqatave të dala nga lufta e UÇK-së dhe për këtë kërkoj që të keni mirëkuptim”, thekson Bahtiri në fjalimin e mbajtur me nisjen e ceremonisë solemne të rivarrimit të eshtrave të Isa Boletinit dhe bashkëluftëtarëve të tij.
