Pas një tensioni të jashtëzakonshëm nën gaz lotsjellës, e një odiseje trevjeçare, Demarkaconi ka kaluar më në fund. Kuvendi i Kosovës e miratoi me 80 vota marrëveshjen e kufirit me Malin e Zi, një prej ngërçeve politike më të mëdha të viteve të fundit, që çoi në një ftohje të raporteve mes Prishtinës dhe faktorit ndërkombëtar.
Në tentimin e pestë, kur edhe u votua marrëveshja, nga Vetëvendosje në Kuvend ishte i pranishëm vetëm kreu i grupit parlamentar, Glauk Konjufca por jo edhe deputetët tjerë, ndërsa disa prej tyre u arrestuan më herët për hedhje të gazit.
Pas ratifikimit të Demarkacionit është parë një gëzim i madh tek deputetët dhe kabineti qeveritar, ku kryeminstri dhe ministrat u ngritën në këmbë duke ja uruar njëri-tjetrit.
Ata thanë se tashmë i hapet rrugë edhe liberalizimit të vizave.
Ironia e gjithë këtij zhvilli ishte se Demarkacioni pati si kundërshtarin më të flaktë Ramush Haradinaj, dje në opozitë, por që sot e votoi si kryeministër, duke patur në anën tjetër të frontit ish-aleatin e deridjeshëm, edhe me gaz lotsjellës, Vetëvendosjen. /tesheshi.com/
