I thirrur në Prokurori për të dëshmuar rreth një video-përgjimi ku pretendohet se ndodhet vëllai i Ministrit Xhafaj – e famshmja “Babale” – deputeti demokrat Ervin Salianji tha se nuk ka besim në hetim. Ngjashëm si me policin në arrati Emiljano Nuhu, edhe Salianji tha se ka prova të tjera, porse nuk kishte besim te organi i akuzës.
“Nuk kam besim te Prokuroria dhe kam arsye të forta për këtë. Ka 5 muaj që zvarritet çështja, për t’i dhënë mundësi Ramës për të sajuar prova dhe për të fshirë të tjera. U lejua që Agron Xhafaj të largohej në drejtim të Italisë. Prokuroria nuk ka thirrur personat që kanë dijeni, si Edi Rama, Xhafaj dhe Balla. Xhafaj nuk mund të hetojë vëllain e tij. Pamjet përmbajnë provat që përfshijnë edhe persona të tjerë në këtë çështje”, tha deputeti demokrat.
Kundrejt tij, si dhe dy kolegëve të tjerë demokratë, Alibeaj e Bardhi, që të tre publikuesit e video-përgjimit të poretenduar, ka një padi për mashtrim. Mazhoranca e ka quajtur shantazh atë video me personazhin Babalë – Agim Veliu, ku pretendohet se flet me Agron Xhafajn, ndërkohë që mohohet kategorikisht që kjo të jetë e vërtetë. /tesheshi.com/
Ministri Xhafaj, thotë vëllai i tij bënte një jetë normale dhe larg çdo veprimtarie të paligjshme. /tesheshi.com/
