Pasditen e së mërkurës, gjykata shpalli fajtor emrat kryesore të aferës politike “Babale”, të akuzuar për sajesën e një audio-përgjimi, në krye të së cilës ka rezultar ish-deputeti demokrat Ervin Salianji. Ky i fundit u dënua me 1 vit burg, Fredi Alizoti me 2 vite burg dhe Albert Veliu, i njohur edhe me nofkën Babale, u dënuar me 3.5 vite burg.
Ndërsa gazetari Jetmir Olldashi u dënua me 6 muaj burg. Ky verdikt solli irritim në lidershipin e PD-së, ku Sekretari i Përgjithshëm Gazmend Bardhi, ish-ministër drejtësie, shkoi deri në kërcënim ndaj gjyqtarin Artan Gjermeni.
“Mbajeni mend, në momentin e parë që zotëria do të kalojë në vettingun do shikoni se kjo që them unë është e vërtetë. Sot Salianji dhe Olldashi janë dënuar nga një anëtar i bandës së Lushnjës. Sot Ervin Saliajni është dënuar nga banda e Lushnjes”, tha Bardhi.
Me gjuhë më të rëndë u shpreh dhe vetë Salianji.
“Nuk ka llum, llucë dhe qelbësira që më ndalin dot. Kanë tentuar të më devijojnë të vërtetën. Më bëjnë të jem më i motivuar”, tha Salianji. /tesheshi.com/
