Forumet rinore të PD-së e LSI-së organizuan një protestë të radhës para Ministrisë së Rendit, nën thirrjet “Xhafaj ik!” e ” Rama ik!”.
Me bindjen se audiopërgjimi i Babales është i vërtetë, pra që Agron Xhafaj, vëllai i ministrit merret me afera droge, të rinjtë nga kampet e opozitës vijuan ritualin e tyre, duke ofruar dhe modelin e dikurshëm të Mjaft-it në protesta me instalacione të ndryshme mesazhuese.
“Është shumë e rëndësishme të bashkohemi çdo ditë para Ministrisë së Brendshme. Nesër gjithashtu, në orën 20:00 të mbrëmjes ne do të shfaqim për të rinjtë dhe qytetarët serialin ‘Narkos’, serialin më të ndjekur ku personazhet kryesore do të jenë Edi Rama, Fatmir Xhafaj, Saimir Tahiri, Habilajt dhe Balilajt. Ka ardhur momenti të mos stepemi më. Me qëndresën tonë do të bëjmë të mundur rrëzimin e kësaj qeverie që na ka rrëmbyer të ardhmen”, tha Belind Këlliçi nga FRD. /tesheshi.com/
