Autoritetet federale në Delaware kanë ngritur tre akuza kundër Hunter Biden, djalit të presidentit amerikan Joe Biden, pas një marrëveshjeje të dështuar për pranimin e fajësisë.
Hunter Biden akuzohet se ka gënjyer për blerjen e një arme ndërkohë që ishte nën drogë.
Është hera e parë që një fëmijë i një presidenti në detyrë ndiqet penalisht.
Marrëveshja për pranimin e fajësisë, e cila përfshinte akuza në lidhje me armët dhe taksat, u rrëzua papritur në korrik. Gjatë negociatave ai i kishte pranuar akuzat.
Aventurat ligjore të djalit të presidentit në detyrë të SHBA-së janë bërë objekt i polemikave të forta politike, me republikanët që kërkojnë shqyrtimin e marrëdhënieve të Hunter Biden me Ukrainën dhe nëse babai i tij dinte për të gjitha. /tesheshi.com/
