Ky mund të jetë babai më i mirë në botë, i të gjitha kohërave. Ai i bleu fëmijës së tij një makinë të vogël lëvizëse me rrota dhe i lidhi nga pas një lloj trajleri, mbi të cilin hipi vetë.
Babë e bir u filmuan në afërsi të Bognor Regis, West Sussex. Dëshmitari 47-vjeçar Wayne Nuttall tha: “Ktheva sytë nga rruga dhe pashë këtë fëmijë të vogël që po çonte me makinën e tij të atin në shtëpi. Babai ishte ulur në pjesën e rimorkios, pas makinës, e cila po drejtohej nga i biri. M’u duk një moment shumë për të qeshur”.
Ai tha se pasi bëri videon, e vendosi atë në një grup lokal në Facebook dhe të gjithë nisën të qeshin me këtë veprim të babait e të djalit të vogël. /tesheshi.com/
